كلمات اعجبتني فتقبلوها هدية مني

ســألني الــورد عنــك .. علمينـــي ويش أقـول
وإن وصفت أول جمالك .. كيف أبوصل أخــرة
كيف وإنتي روضه من حلاها .. كحلت عين الفصول
رقتك ورده وروحــك .. كـ الطبيعـة الســاحرة
--
عذبه الأطباع وأكثر .. إنتي يالعف الخجول
من لفيتي الدنيا وإنتي .. مثل غيمه ماطـرة
عاليــه أصل ومطرها .. كل ما جـاد بنزول
مثلها إنتي كريمـــة .. وهي مثلك طاهــرة
--
ميزك ربـــي بملامـــح .. زادها نـــور وقبــــول
وبعيــون منها غارت .. ألف نجمـة ســاهرة
هذا غير الشمس ياللي .. جاها من حسنك ذهول
وكتبت في مدح زينك .. لين صارت شـاعرة
مذهلــه في كل حاجه .. إنتي يا بنت الأصــــول
في هدوءك في كلامك .. والمعاني العاطرة
--
لك تفاصيل إبتسامه .. تاخذ ألباب العقــول
باردة ع القلب كنها .. نســـمه حلوة عابره
هذي إنتي وما أبالغ .. لو أقول إن العذول
من كثر طيبك دعالك .. بالســعاده الغامرة
صدقينـي إنتــي غير .. وصدقينـي لو اقـول
إني يا روضــة زمنّا .. إنتي حاجـــة نادرة
***
من كلمات الشاعر الكبير انور المشيري

كلمات في قمة الرقة والجمال
الله يسلم ايدك اخي العزيز
تشكر على الذوق الرفيع

انتي الذوق كله بمرورك وتعطيرك لصفحتي

تسلمي لي

» كلمات مضيئة